Əcnəbilər Azərbaycanda hansı əmlaka sahib ola bilməz?
Hər hansı bir əcnəbinin yerli vətəndaş kimi Azərbaycanda fərdi əmlak almaqda bərabər hüquqları vardır. Əcnəbi Azərbaycan vətəndaşı kimi, daşınmaz əmlak - mənzil, villa, qaraj və sair əmlak ala bilər. Lakin vətəndaşlarımızdan fərqli olaraq, əcnəbilər bir əmlaka sahib ola bilməzlər ki, o da torpaqdır. Yəni, dövlət tərəfindən onlara torpaq üzərində mülkiyyət hüququ verilmir.
Belə ki, Azərbaycan Respublikasının Torpaq Məcəlləsinin 48-ci maddəsinə görə, əcnəbilər və digərləri Azərbaycan Respublikasında torpağı yalnız icarə yolu ilə əldə edə bilərlər.
Lakin əcnəbilər, vətəndaşlığı olmayan şəxslər, xarici şirkətlər, beynəlxalq təşkilatlar, həmçinin digər dövlətlər qanunvericilikdə nəzərdə tutulmuş məhdudiyyətlər nəzərə alınmaqla, torpaq münasibətlərinin iştirakçıları ola bilər.
Azərbaycan Respublikasının Mülki Məcəlləsi və Torpaq Məcəlləsinə əsasən, daşınmaz əmlakın alqı-satqısı nəticəsində mülkiyyət hüququ alıcıya keçir. Lakin Torpaq Məcəlləsinə görə tikililər, qurğular və müəssisələr əcnəbilərə, vətəndaşlığı olmayan şəxslərə, beynəlxalq təşkilatlara, habelə xarici dövlətlərə satıldıqda, həmin obyektlərin yerləşdiyi torpaq sahələri onların icarəsinə verilir. Belə olan halda əmlak ilə üzərindəki daşınmazların hüquqi statusları ayrı-ayrılıqda tənzimlənir (torpağa görə ayrı, üzərindəki daşınmazlara görə ayrı).
Misal üçün, siz Rusiya Federasiyasının vətəndaşısınız və Azərbaycanda həyətyanı sahəsi olan ev almaq istəyirsiniz. Bu zaman həmin evə dair çıxarış (kupça) sizin adınıza rəsmiləşdirilsə də, həyətyanı sahəyə dair icarə müqaviləsi bağlamalı olacaqsınız.
Şərhlər
Qurbanova Sofiya 2026-05-10 08:13:15
Salam, mənim atamin 1991 ildə öz atası torpaq bağışlama yoluyla keçirdib atamın adına, çıxarışlı sened alıb o vaxt sovet pasportu idi, indi atam rus vetandaşıdı və ona deyillər ki, senin adına torpaq ola bilməz. Bizə bir düz yol göstərə bilərsiniz, təşəkkür eliyirəm.
Roman Orucov 2026-04-18 12:55:15
Salam. Bildiyimiz kimi Kupcali ev ecnebi vetendaşin adina aformut olunur. Bes Kupcasi olan torpaglarda var. Onlar nece?. Aformut olunur ya yox?
Səbinə Sadıqova 2026-03-23 02:39:49
Salam. Yoldaşım azərbaycanlıdır, Rusiya vətəndaşıdır. Yaşama icazəsiylə 3 ildir ki buradadır. Zəhmət olmasa deyərdiniz mənim adıma mağaza açıb. O mağazanı onun öz adına keçirə bilərəm?? Mən azərbaycanlıyam Azərbaycan vətəndaşıyam.
məmmədov məmməd 2026-03-11 18:25:56
Övladım rusiya vətəndaşıdır öz həyət evimi ona bağışlaya bilərəm və onun üçün nə lazımdir. Cox sağ olun !
Nərgiz 2026-02-15 14:38:22
Salam.30 il əvvəl qaynıimin adına torpaq alınıb.o vaxt Azərbaycan vətandaşi olub.20 ildən çoxdur Rusiya vətəndaşidir.həmin torpaqa sahiblənə bilər?
Əliyar 2026-01-09 16:41:44
Salam.Sizdən sondan 3 və 4-cü müraciətə uyğun olaraq daha bir məsləhət verməyinizi xahiş edirəm. Biz notariata müraciət etdik və bildirdilər ki torpaq vətəndaşın adına keçsə belə ona çıxarış ala bilməz. Səbəb isə torpağın ilkin çıxarışının olmaması dedilər.Gərək vaxtı ilə ilkin çıxarış adlanan sənədi düzəltmək lazım imiş faktiki sahibinin adına və oda xarici vətəndaş olduğundan indi etmək olmur.Texniki sənəd və sərəncamda mövcuddur . Bu halda nə edə bilərəm? Təşəkkürlər.
Rəvanə 2025-11-13 04:57:55
Salam vəkil.Rusiya vətəndaşının vərəsəlik yolu ilə Azərbaycanda torpağa sahib olma hüququ varmı?
Samira 2025-11-06 13:05:52
Salam. Mənim Azərbaycanda evim var, amma bu evi Azərbaycan vətəndaşı olanda almışam. İndi isə artıq xarici vətəndaşam, Azerbaycan vetendashligim yoxdur. Bununla bağlı evin sənədlərində hər hansı bir dəyişiklik etmək lazımdır, yoxsa xeyr?
Əliyar 2025-11-02 10:04:39
Təşəkkür edirəm cavabınızagörə,atam sağdır və onun özü də bu məsələyə görə Rusiya vətəndaşı olaraq müraciət edə bilər? Yoxsa notarial qaydada ölkə vətəndaşı olan övladına bağışlamalıdır?
Əliyar 2025-10-31 23:04:52
Salam. SSRİ dövründə atama işlədiyinə görə torpaq sahəsi ayrılmışdır. Həmin torpağın texniki sənədi mövcuddur.Ssri ləğvi zamanı Azərbaycan yox, Rusiya vətəndaşı olmuşdur.İndiki halda arxivə və aidiyyəti qurumlara müraciət edərək torpağa sənəd düzəldə bilər? Yada övladlarının birinə bağışlaya bilər mi çıxarış almaq üçün ?
Şərh yaz