İctimai birliyin yaradılması
Yaxud hər hansı təhsil, mədəniyyət, turizm, ekologiya, uşaq və gənclərin inkişafına dair fikirlərinizlə bağlı ətrafınıza sizin kimi ideyalara sahib şəxsləri toplamaqla cəmiyyətə fayda vermək istəyirsiniz?
Qanunvericiliyə uyğun olaraq yaradılma məqsədi sahibkarlıq fəaliyyəti olmayan (qeyri-kommersiya) qurumlar ictimai birliklər, fondlar, hüquqi şəxslərin ittifaqları formasında yaradıla bilər.
İlk olaraq bildirək ki, ictimai birliklərin qeydiyyatı Ədliyyə Nazirliyi tərəfindən həyata keçirirlir.
İctimai birliyi təsis etmək istəyən şəxslər iclas əsasında ictimai birliyin təsis edilməsinə dair qərar qəbul edir. Həmçinin təsisçilər iclasda birliyin nizamnaməsi qəbul edir, birliyin idarəetmə formasını müəyyənləşdirir.
İctimai birliyin nizamnaməsində məqsədlərinin tam və əhatəli şəkildə yazılması vacib nüanslardan biridir.
Məsələn, siz dostunuzla birlikdə xaricdə təhsil alan gənclərə dəstək məqsədilə bir birlik yaratmaq istəyirsiniz. Bunun üçün aşağıdakı sənədləri Ədliyyə Nazirliyinə təqdim etməlisiniz.
1. Ərizə;
2. Təsis yığıncağının protokolu;
3. İctimai birliyin təsis sənədləri – nizamnamə, qərar;
4. Dövlət rüsumunun ödənilməsi haqqında sənəd;
5. Təsisçi fiziki şəxs(lər) olduqda - onun şəxsiyyətini təsdiq edən sənədin surəti;
6. Hüquqi ünvanı təsdiq edən sənəd;
7. Qanuni təmsilçi təyin edildiyi halda, onun şəxsiyyətini təsdiq edən sənədin surəti;
“Dövlət rüsumu haqqında” Azərbaycan Respublikası Qanununun 20.3-cü maddəsinə əsasən qeydiyyat üçün dövlət rüsumu 11 manatdır.
Əlavə olaraq təcrübədə rast gəlinən hallardan biri də budur ki, Ədliyyə Nazirliyi qeydiyyatdan keçmək istəyən ictimai birlikdən onun fəaliyyət göstərmək istədiyi sahəyə nəzarət edən dövlət qurumundan dəstək, ya da ki razılıq məktubu almasını tələb edir.
Məsələn, təhsil ilə əlaqəli ictimai birlik yaradan zaman Təhsil Nazirliyindən dəstək sənədinin istənilməsi bu hala nümunədir.
İctimai birliyin dövlət qeydiyyatına alınmasından imtina edilərsə, bu barədə təsisçilər inzibati qaydada və (və ya) məhkəmə qaydasında şikayət verə bilər.
Azərbaycan Respublikasında hər bir fiziki və hüquqi şəxs (dövlət hakimiyyəti və yerli özünüidarə orqanları istisna olmaqla) ictimai birliyin üzvü ola bilər.
Üzvlər ictimai birliklərin rəhbər orqanlarına seçə və seçilə, fəaliyyətində iştirak edə, rəhbər orqanların fəaliyyətinə nəzarət edə, nizamnamə ilə nəzərdə tutulmuş digər hüquqlara malik ola bilər.
İctimai birlik dövlət qeydiyyatına alındıqdan sonra 30 gün müddətində üzvlərinin reyestrinin aparılmasını təmin etməlidir.
Qeyri-kommersiya hüquqi şəxslərinin hər biri kimi ictimai birliklərin də əsas məqsədi sahibkarlıq fəaliyyəti deyil, lakin qanunvericilik sahibkarlıq fəaliyyəti ilə məşğul olmağı qadağan etmir, o halda ki, bu fəaliyyət onların yaradılması zamanı qarşıya qoyulmuş məqsədlərə nail olmağa xidmət etsin və bu məqsədlərə uyğun gəlsin.
#ictimai birlik # fond # hüquqi şəxs # xeyriyəçilik # vekil nomreleri # vekil axtariram # vekil # hüquqşünas # vekil telefon nomreleri # vekillerin telefon nomreleri # huquqi yardim # huquq mesleheti # hüquqşünaslıq # vəkil
Şərhlər
Qönçə Məmmədova 2026-08-06 15:40:05
Hürmətli Qulam bəy, İctimai birliklərin qeydiyyatı ilə bağlı bölüşdüyünüz faydalı məlumata görə təşəkkür edirəm. Ədliyyə Nazirliyinin rəsmi tələblərini nəzərdən keçirərkən yaranan bir neçə sualı diqqətinizə çatdırmaq istərdim: İlkin kapital tələbi: Nazirliyin siyahısında fondlar üçün 10.000 manatlıq nizamnamə kapitalı tələbi qeyd olunub. İctimai birliklərin (assosiasiyaların) yaradılması zamanı da oxşar maliyyə tələbi mövcuddurmu? Dövlət rüsumu: Məqalədə rüsumun 11 manat olduğu bildirilir. Qanunvericilikdə bu məbləğlə bağlı son dövrdə dəyişiklik edilibmi? Sənəd paketindəki yeniliklər: Tələb olunan sənədlər siyahısına daxil edilən xüsusi razılıqlar (məsələn, xüsusi adlar, tənzimləyici qurum rəyləri və s.) nəzərə alınarsa, hazırda ictimai birliklərin qeydiyyatı üçün əlavə bir dəyişiklik və ya yeni tələb varımdır? Fikirləriniz üçün əvvəlcədən təşəkkür edirəm.
Camalzadə Nuranə 2026-06-23 14:34:32
Salam, Qulam bəy. Sizinlə necə əlaqə saxlamaq olar? Ödənişli şəkildə bizə kömək edəsiz İctimai Birlik yaratmağa. Sənədlərin hazırlanmasında yön verəsiniz.
Camalzadə Nuranə 2026-05-07 15:09:00
Salam. Gənc Yazarlar Birliyi yaratmaq istəyirik. Bunu bir nəfər təsisçiylə etmək mümkündürmü, ya bir neçə təsisçi olmalıdır?
Əbülfət İsiyev 2025-12-15 09:44:33
Salam,kəndimizin daxilində abadlı işlərin görülməsi üçün xeyriyyə fondu yaratmq və bu fondakı vəsaitin saxlanmaı hansı qanunla və necə həyata keçirilil?
Meherrem 2025-09-26 00:09:59
Mən uzun müddət QHT sədir işləmişəm və hər zaman xeyriyyəçiliklə MESQUL olmuşam bu halda rayon rəhbərliyi tərəfindən nümayəndələri tərəfindən təşəkkür maneələr və qazet dərc olunub menim haqda indi isə şəxsi QHT yaradaraq ictimayi birlik yaratmaq və qeydiyyatdan rəsmi keçirmək üçün mümkündürmü meselem 100 lerle ailelerde olaraq mənəvi ve maddi dəstəklər olmuşam çəkilişlər və dairə yarada bilərəm istimayi birlik
Ağayev Rauf 2025-09-07 10:39:01
Salam 1988 çi ildə rəsmi qayda da fəaliyyət göstərimiş Qarğabazar yurd cəmiyyətin (işgal vaxtı bütün sənədlər itib.)bərpa etmək olar? Xatırladıram ki bankda hesablaşma hesabı olub.
Aytən Əliyeva 2025-05-24 10:32:49
Salam. İctimai birliklə Cəmiyyət yaradılması eynidir? Misal üçün yardımlılılar cəmiyyəti.. Bu İctimai birlik tərkibində yaradılır?
Nicat Quliyev 2025-03-15 13:49:07
Salam. Ictimai birlik yaratmaq ucun sənədləri hardan əldə edə bilərik? QHT və İctimai birlik eynidirmi?
Hikmat Huseynov 2024-05-07 12:33:21
Salam, 1. Ictimai birliyi tək bir fiziki şəxs təsis edə bilərmi? Bu halda Təsisçilərin ümumi yığıncağına aid protokolun yerinə hansı sənəd təqdim edilməlidir? 2. İctimai birliyin idarə forması idarə heyəti şəklində olması məcburidirmi? Sadəcə olaraq icraçı direktor təyin etmək bəs edirmi? 3. Məqsədə xidmət edən layihələrin icrası məqsədilə iyanələri toplanması üçün üzvlüyə qəbul olunma şərtdir mi? Birliyə üzv olmayan fiziki və hüquqi şəxslərdən də iyanə qəbul oluna bilərmi?
Emin Hacısoy 2024-04-30 17:51:00
Salam, biz iki il yarımdır ki, xeyriyyə məqsədli işlər görən birlik təsis etmişik. Bu müddət ərzində öz vəsaitimiz hesabına 100ə yaxın tədbirlər keçirmişik. Üzvlərin iclasını toplayıb, ƏN-nə müraciət etmişik, lakin, müxtəlif səbəblər gətirərək imtina verirlər. Bizim fəaliyyətimizi bəzi millət vəkilləri yaxından tanıyır, yüksək dəyərləndirirlər. Sualım belədir ki, millət vəkillərindən alınan tövsiyə məktubu İB-nin qeydiyyatdan keçməsinə yardımçı ola bilərmi?
Şərh yaz