Yaşayış yeri üzrə qeydiyyatdan çıxarılmaq üçün məhkəməyə hansı halda müraciət oluna bilər? Mənzildə qeydiyyatda olan şəxs qeydiyyatdan çıxarılanda hansı hallarda kompensasiya ödənilir?
Mənzil alarkən və satarkən rast gəlinən problemlərdən biri də yaşayış sahəsində qeydiyyatda olan şəxsin qeydiyyatdan çıxarılma məsələsidir.
Belə ki tez-tez rast gələn problemlerdən biri odur ki, şəxs mülkiyyətində olan mənzili satmaq istəyir, lakin qeydiyyatda olan şəxsin razılığını ala bilmədiyi üçün notariusda alqı-satqı müqaviləsini həyata keçirə bilmir. Və yaxud da şəxs yeni mənzil alıb və orda qeydiyyatda adamlar var və o onları qeydiyyatdan çıxartmaq istəyir.
Qeydiyyatda olan şəxslərin razılıq verməməsinin müxtəlif səbəbləri ola bilər:
Yaşayış yeri və olduğu yer üzrə qeydiyyat haqqında Azərbaycan Respublikası qanununun 9-cu maddəsinə əsasən şəxs yaşadığı yer üzrə qeydiyyatdan aşağıdakı hallarda çıxarılır:
Şəxsin mənzilində formal olaraq qeydiyyatda olan, lakin faktiki yaşamayan və mənzildən istifadə hüququ olmayan şəxslərin mənzildən çıxarılması üçün şəxs ərazi üzrə Polis İdarəsinə inzibati qaydada müraciət edə bilər. Bu məsələ Yaşayış yeri və olduğu yer üzrə qeydiyyat haqqında Azərbaycan Respublikasının qanunu ilə tənzimlənir.
Göründüyü kimi Yaşayış yeri və olduğu yer üzrə qeydiyyat haqqında Azərbaycan Respublikası Qanununun 9-cu maddəsinin birinci hissəsinə əsasən yaşayış sahəsində faktiki yaşamayan və ya istifadə hüququ olmayan şəxslərin qeydiyyatına mülkiyyətçinin inzibati orqana müraciəti əsasında xitam verilməlidir.
Lakin bir qayda olaraq Polis idarəsi qeydiyyatda olan əmlak hüquqları mövcud olmayan şəxslərin mülkiyyətçinin tələbi əsasında qeydiyyatdan çıxarılmasından imtina edir.
Beləliklə yalnız həmi polis idarəsindən imtina məktubu aldıqdan sonra şəxs məhkəməyə müraciət edərək bununla bağlı mübahisələrə inzibati məhkəmə icraatı qaydasında baxaraq şəxsin yaşayış yeri üzrə qeydiyyatdan çıxarılması öhdəliyini həmin polis orqanın üzərinə qoya bilər.
Bununla yanaşı, yaşayış sahəsinin mülkiyyətçisi həmin yaşayış sahəsi üzrə qeydiyyatda olub orada yaşayan şəxsin qeydiyyatdan çıxarılması üçün məhkəmədə sonuncunun yaşayış sahəsindən çıxarılması haqqında iddia qaldırmalıdır.
Azərbaycan Respublikasının Ailə Məcəlləsinə əsasən yaşayış sahəsi mülkiyyətçisinin ailə üzvlərinə həmin mülkiyyətçi ilə ona məxsus olan yaşayış sahəsində birlikdə yaşayan mülkiyyətçinin arvadı (əri), habelə onun uşaqları və valideynləri aid edilir.
Mülki Məcəllənin 228.2-ci maddəsinə əsasən yaaşayış binasının tərkib hissəsindən istifadə hüququna xitam verilməsi haqqında razılaşma olmadıqda bu hüquqa mülkiyyətçinin məhkəmə qaydasında tələbinə əsasən bazar qiyməti ilə müvafiq kompensasiya verməsi yolu ilə xitam verilə bilər.
Yəni sözügedən maddələrədən göründüyü kimi, kupçası (çıxarışı) olan şəxs qeydiyyatda olan ailə üzvlərini yəni, həyat yoldaşını (əgər əmlak evlilik dövrü ərzində alınmayıbsa, yəni birgə mülkiyyət deyilsə), valdeynlərini və övladlarını ona məxsus mənzildən qeydiyyatdan çıxartmaq istədiyi təqdirdə həmin şəxslərə kompensasiya ödəməlidir.
Yuxarıda göstərildiyi kimi ailə üzvü qeydiyyatdan çıxarıldıqda ona istifadə hüququnun itirilməsinə görə kompensasiya ödənilməlidir. Kompensasiyanın məbləği hər işin halına görə individual olaraq müəyyən edilir, lakin son zamanlar məhkəmələr əsas kimi eyni şəraitli evdə 3 illik kirayə pulunun kompensasiya kimi müəyyən edir.
Misal üçün: Şəxs Yasamal rayonunda yerləşən 3 otaqlı mənzildən qeydiyyatdan çıxarılır. Tutaq ki həmin 3 otaqlı evin kirayə haqqı aya 300 manatdır. Bu halda 3 ili yəni 36 ayı 500 manatdan hesablayaraq 18 000 manat məblğində kompensasiya müəyyən edilə bilər 36*500=18 000.
Bu hesablama şərtidi, yuxarıda qeyd etdiyim kimi məhkəmənin hər işə fərdi yanaşması ola bilər. Bu səbəbdən sizin qeydiyyatdan çıxarılma məsələsini vəkil vasitəsi ilə həll etməyiniz tövsiyyə edilir.
Məhkəmə qaydasında şəxsin qeydiyyatdan çıxarılması təqribən 3-4 ay vaxt apara bilər. Polis idarəsi ünvanlanan müraciətinizə 15-30 iş günü ərzində cavab verdikdən sonra iddia qaydasında məhkəməyə müraciət edirsiniz və məhkəmə təqribən 3 ay ərizndə işə baxaraq yekun qərar qəbul edir.
#mənzildən qeydiyyatdan çıxartma # yaşamaq hüququ. istifadə hüququ # məznilə qeydiyyata düşmə # yaşayış yeri və olduğu yer üzrə qeydiyyat haqqında # qeydiyyat haqqında qanun # vekil nomreleri # vekil axtariram # vekil # hüquqşünas # vekil telefon nomreleri # vekillerin telefon nomreleri # huquqi yardim # huquq mesleheti # hüquqşünaslıq # vəkil
Şərhlər
Bəfa Məhərrəmova 2026-08-29 14:59:28
Salam.Ev və həyətyanı sahəmiz var(6sot).Çıxarışda mən və anam şərikli payçıyıq 1/2 və 1/2.Ümumi kupçidə adımız var.Anam evdəki payını və torpagından(1sot mənə bağışlamaq istəyir)Qalan 2 sotunu isə 2 bacıma bağışlamaq istəyir.Evin və torpağın bir tərəfə çıxışı var.O buri tərəfdən isə bələdiyyənin özəlləşməmiş 2 sot torpağı var.Mən öz evimə və torpağıma müstəqil çıxarış ala bilərəm? Bu vəziyyətdə bizim çıxarışımız necə olacaq və bu cıarış mənə gələcəkdə nə problem yarada bilər? Öncədən təşəkkür edirəm.
Xalıda Məmmədova 2026-08-19 08:34:52
Salam.Xahis edirəm sona kimi oxuyun nene meslehet verin.Men 3 ildir ki öz şəxsi evime bacılarımın evi bələdiyyə sənədi ile olduğuna görə onları ve oğlunu qeydiyyata salmışam.Onlar dövlət işində işlədiklərini görə , qeydiyyat tələb etdilər ,pensiya zamanı arayış, şəxsiyyət deyişməsi zamanı qeydiyyat lazım oldu deyə qeydiyyata düşdülər.İndi ev satılır və basqa yerde alınır .Menim yeganə bir qız övladım var 24 yaşında Gelecekde biz ata ana həyatda olmayanda ona bu qeydiyyat ne kimi problem yarada bilər? Bu mesele meni çox narahat edir.Onlara qeydiyyatdan çıxın da deyə bilmirəm doğmalarimdi deye.Biz bacılar yaşlı insanlaririq ne vaxtsa həyatda olmayacağiq .Amma qızım aile qurar yoldaşı yad adam olacaq .İstemirem qeydiyyata göre xalaoglu xalaqizi arasında bu problem olsun, düşmənçilik yaransin.Sizden meslehet almaq istəyirdim.Əvvəlcədən teşekkürumu bildirirəm.
Ramil 2026-07-23 18:51:49
Salam. Mən qeydiyyatdayam menimraziliqim olmasa kimse kupçani öz adına qeyd edə bilər?
Mammedzade Ramil 2026-07-23 18:46:33
Salam.Men 30 ildir ki bir evde yaşayiram və qeydiyyatdayam Meni qeydiyyatdan çixarmaq istəyirlər Ev Nənəmə hökmet pay verib Çixartmaq istəyən Xalamdi
Əsgərova Xatirə 2026-07-22 23:27:36
Salam.Menim 2 bacım ve bacımın oğlu ievleri bələdiyyə sənədi ile olduğuna göre şəxsiyyət vəsiqəsi almasına göre bizim eve qeydiyyata düşdü.Artiq 3 ildi .İndi onlar könüllü olaraq qeydiyyatdan necə çıxa bilərlər.Cixandan sonra hara düşmək lazımdı?.
Nur zaman 2026-07-21 05:28:27
Salam.Zehmet deyilsə məlumatlandıra bilərsiz ,ev mənim öz adimadir,anamın təkidi ilə dayimoglunu qeydiyyata saldım .Necə illərdi artıq ,qeydiyyatdan çıxarmaq istəyirəm .Bunun üçün nə etməli və hara müraciət etməliyəm.Qeydiyyatdan çıxarıldıqda ona bildiriş gedirmi?
Fərzəliyev Nazir 2026-07-06 08:13:34
Salam.1994_cü ildən ata evinə vərəsə seçilmişəm. Amma evin çıxarişınıi 2024_də adıma çixardırmişam.Evdə kiçik qardaşım 2005 də ailən qurub yaşayırdı. Sonra boşandı. Uşaqları orda qeydiyyatdadı. İndi uşaqların 20_21 yaşları var.evi satmaq , ya övladımın adına keçirmək istəyirəm. O uşaqlar qol çəkib razılıq wermir.məhkəməyə verdim Şəmkir Rayon məhkəməsi guya qardaşımın arvadı(evdə qeydiyyatda deyil) o evə ev mənim yox atamın evi olanda gəlin gəlib deyə belə bir qətnamə çıxardı. Halbuki min 1994_cü ildən evə vərəsə seçilmişəm. Bı isə 2005 də gəlin gəlib, sonra boşanıb. Mən nə edim.ev mənimdi nə orda gedib yaşaya bilirəm.o dəqiqə poliss çağirir, nə də sata bilmirəm. Adı mənimdi
Mahammad Israfilzada 2026-06-03 13:14:15
Salam Ferdi yasayis sahesinde menzil menim adimadir. Lakin qeydiyyatda bibim oglu ve ailesidir ve 20 ildir yasayir orda. Menzili satmaq isteyiremse, prosedur nece olmalidir ve onlarin icazesi olmadan qeydiyyatdan cixara bilerem?
Qədirov Fərhad 2026-05-19 10:43:58
Salam, Qulam bəy . Əlaqə saxlamaq olar ?
Aytən Məmmədova 2026-05-11 19:24:45
Salam ?mənim şəxsi evim var və ora uzağ qohumu qeydiyyata salmış pensiya alması üçün ,onun qeydiyyata düşməyə yeri yoxdur mən onu müvəqqəti qeydiyyat kimi edə bilərəm? və yaxud qeydiyyata neçə cıxardım? .
Şərh yaz