Hüquqi yardım

Ana səhifə / Hüquqi yardım
Torpaq sahəsinin özəlləşdirilməsi
29 May

Torpaq sahəsinin özəlləşdirilməsi

Qulam İsmayılzadə

Torpaq sahəsini sənədləşdirilməsi qaydası. Torpaq sahəsinin özəlləşdirilməsinin əsasları hansılardı? Torpaq sahəsinin özəlləşdirilməsi üçün tələb edilən sənədlər hansılardı?

Torpaq sahəsinin sənədləşdirilməsi qaydası

İlk növbədə onu qeyd etmək lazımdır ki, Azərbaycan Respublikasının Torpaq Məcəlləsinə əsasən torpaq sahəsi üzərində dövlət, bələdiyyə və xüsusi mülkiyyət növləri mövcuddur.

Sözügedən məqallədə söhbət məhz dövlət və bələdiyyə tərəfindən vətəndaşların və ya hüquqi şəxlərin istifadə və sahibliyinə verilmiş torpaq sahəsinin özəlləşdirilməsindən gedəcəkdir.

Torpaq sahəsinin özəlləşdirilməsinin əsasları hansılardı?

“Daşınmaz əmlakın Dövlət Reyestri haqqında qanunun” 8-ci maddəsinə əsasən torpaq sahəsi üzərində hüquqların dövlət qeydiyyatı üçün əsaslar növbətilərdi:

  • İcra hakimiyyəti və bələdiyyə orqanları tərəfindən daşınmaz əmlakın satılmasına, icarəsinə, istifadəsinə, ipoteka qoyulmasına dair qəbul olunmuş aktlar - misal üçün: İcra Hakimiyyətinin torpaq ayırlması haqqında müvafiq sərəncamı, bələdiyyənin torpaq sahəsinin ayrılmasına dair müvafiq qərarı və s.

  • 2007-ci il mayın 22-dək müvafiq icra hakimiyyəti orqanlarının nəzdində olan bağ təsərrüfatı idarələri tərəfindən vətəndaşlara ayrılmış bağ sahələrinə dair verilən icarə müqavilələri, sərəncamlar və orderlər kollektiv bağçılıq-yoldaşlıq təsərrüfatının üzvlərinin siyahısına müvafiq olaraq verilmiş üzvlük kitabçası və ya üzvlərin iclasının protokolundan çıxarış - qısa olaraq “Bağçılıq kitabçası”.

Torpaq sahəsinin özəlləşdirilməsi üçün tələb edilən sənədlər:

“Daşınmaz əmlakın Dövlət Reyestri haqqında qanunun” 10-cu maddəsinə əsasən torpaq sahəsi üzərində hüquqların dövlət qeydiyyatı üçün növbəti sənədlər tələb edilir:

  • İcra hakimiyyətinin torpağın ayrılmasında dair müvafiq qərarı; 
  • “Bələdiyyə torpaqlarının idarə edilməsi haqqında” Azərbaycan Respublikası Qanununun 6.2-ci maddəsinə uyğun olaraq yaşayış evinin inşa edilməsi məqsədilə torpaq sahəsinin ayrılması barədə Bələdiyyənin qərarı və alqı-satqı müqaviləsi;
  • 01.12.2007-ci il tarixindən sonra  bələdiyyələr tərəfindən satılmıış torpaq sahələdinə dair hərrac protokolu və hərracın nəticələrinə uyğun olaraq bağlanmış alqı-satqı müqaviləsi 
  • Torpaq sahəsinin planı və ölçüsü;
  • Əgər torpaq sahəsinin üzərində qurğu varsa torpaq sahəsində yerləşən bina, qurğu, tikililərin və digər daşınmaz əmlakının (onların tərkib hissələrinin) texniki pasportu, plan-cizgisi;
  • dövlət rüsumunun ödənilməsi barədə sənəd.

Torpaq sahəsinin özəlləşdirilməsi ilə bağlı hara müraciət edilməlidir?

Torpaq sahəsinin özəlləşdirilməsi üçün tələb olunan bütün sənədlər toplanıldıqdan sonra şəxs Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri Püblik Hüquqi Şəxsin müvafiq ərazi idarəsinə və yaxud Əmlak Xidmətləri Məkanına müraciət etməlidir. 

Qeyd etmək istəyirəm ki, Azərbaycan Respublikası Prezidentinin 4 may 2015-ci il tarixli Fərmanı ilə təsdiq edilmiş «Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidməti haqqında Əsasnamə»-yə (3.0.5-ci bənd) hüquqların dövlət  qeydiyyatından imtina edilməsi və ya qeydiyyatının dayandırılması üçün əsas olmadığı halda təsdiqləyici sənədlər üzərində qeydlər yazmaq və dövlət reyestrinə müvafiq məlumatlar daxil etmək, (3.0.11-ci bənd) hüquqların dövlət qeydiyyatını rəsmiləşdirmək məqsədi ilə dövlət reyestrindən çıxarış vermək Xidmətin vəzifələri sırasına daxildir.

Torpaq sahəsinin özəlləşdirilməsinə dair hüquqlar hansı müddətdə qeydiyyata alınır?

Qeydiyyat orqanı imtinaya əsasə olmadığı təqdirdə, ərizənin və ona əlavə edilən sənədlərin təqdim edildiyi gündən 10 iş günü müddətində daşınmaz əmlak üzərində hüquqları dövlət qeydiyyatına alır və elektron qaydada dövlət reyestrindən çıxarış tərtib edir. 

Daşınmaz əmlak üzərində mülkiyyət və digər əşya hüquqlarının qeydiyyatı üçün zəruri olan mərzçəkmə və inventarlaşdırma işlərinin aparılması ilə əlaqədar daşınmaz əmlak üzərində hüquqların qeydiyyat müddəti qeydiyyat orqanı tərəfindən 5 iş gününədək uzadıla bilər. Bu halda ərizəçiyə bildiriş təqdim edilməlidir.

#Vəkil # vəkil xidmətləri # qanun # torpaq məcəlləsi # kupçanın alınması # çıxarışın alınması

Şərhlər

  • Lale 2026-08-29 04:11:08

    Salam hörmətli vekil.evi müqavilə ile kirayə vermeyin üstünlüyü nədir.ve evde kirayə qalanlar o eve mütləq qeydiyyata düşməlidir mi? Vergini kim ödəməlidir?

    Salam. Yazılı kirayə müqaviləsi hər iki tərəfi qoruyur — şərtlər, kirayə haqqı, depozit və mübahisə yarandıqda sübut kimi xidmət edir. Kirayəçinin mənzildə mütləq qeydiyyata (qeydiyyat ünvanı) düşməsi qanunla tələb olunmur, bu, tərəflərin öz razılığından asılıdır. Kirayə gəlirindən vergini isə əmlak sahibi (ev sahibi) ödəməlidir — bu, sadələşdirilmiş qaydada müəyyən edilmiş sabit dərəcə üzrə hesablanır; dəqiq cari dərəcəni Vergilər Nazirliyinin portalından yoxlamaq məsləhətdir. Vəkil Qulam İsmayılzadə
  • Anar Orucov 2026-08-28 15:59:10

    Salam hörmətli Qulam müəllim. Mənim 6 sot torpağım var. Torpaq 2004-cü ilin Bələdiyyə qərarlı sənədidi. Çertyoju var. Alqı-satqı aktı 2015-ci ildə verilib, amma Ləğv edilmiş Xəritəçəkmə komitəsinin imzası, möhürü yoxdu. Binəqədi icra hakimiyyətinin möhürü var. Torpağın kökü Milli Arxiv İdarəsində var. Əmlak Məkanına ərizə ilə müraciət elədim. Məktuba cavab kimi ləğv edilmiş Xəritəçəkmə komitəsinin imzası, möhürünün olmadığı bildirildi. Necə sənədləşdirmək olar bu torpağı?

    Salam. Xəritəçəkmə Komitəsi artıq fəaliyyət göstərmədiyi üçün onun funksiyalarını davam etdirən aktual dövlət orqanının (kadastr/əmlak məsələləri üzrə müvafiq qurum) arxivindən həmin sənədin təsdiqli surətini və ya texniki sənədləşməni əldə etməyə cəhd etməyiniz məqsədəuyğundur. Milli Arxivdəki əsl sənədlə birlikdə bu təsdiqi Əmlak Məkanına yenidən təqdim edə bilərsiniz; orqan yenə də rədd edərsə, mülkiyyət hüququnun tanınması üçün məhkəməyə müraciət (fakt müəyyənləşdirmə iddiası) qalan effektiv yoldur, xüsusən sənədi vermiş qurum artıq movcud olmadıqda. Vəkil Qulam İsmayılzadə
  • Arzu Nagiyeva 2026-08-24 18:04:23

    Salam.eger həmin torpaği ev qarışı satmaq istesem bağışlanma edən bacımın razılığı olmalıdırmı ve bağışlanma bacıma subay ikən edib eğer indi yeniden torpağı satmaq istesem bacimin ve yoldaşının da razılığı olmalıdırmı yoxsa tekce bacımın razılığı olmalıdır? Və həmin torpaği başqa bacıma sata bilərəm.?

    Salam. Əgər torpaq payı artıq bacınıza bağışlanıb və onun adına rəsmiləşdirilibsə, bu, onun tam mülkiyyətidir və həmin payı satmaq qərarı yalnız ona aiddir — sizin razılığınız tələb olunmur. Bağışlama yolu ilə əldə edilmiş əmlak Ailə Məcəlləsinə görə ər-arvadın ümumi əmlakı sayılmır, ona görə də bacınızın əri həmin payın satışına razılıq verməli deyil (evlənmədən əvvəl və ya sonra bağışlanmasından asılı olmayaraq). Öz payınızı isə istənilən bacınıza sərbəst şəkildə sata bilərsiniz. Vəkil Qulam İsmayılzadə
  • Arzu Nagiyeva 2026-08-23 20:03:23

    Salam.atamin adına olan torpaqda 2021 in May ayında orda ev tikintisinə başladım..2021 dekabrda atam rəhmətə getdi və həmin torpağ sahəsi 2 bacımın adına keçirildi.bacilardan 1 öz torpaq sahəsini mene bagisladi.ve ev nigah dövründə tikilib.torpagin çıxarışi var amma tikilen evin yoxdu.eger boşanma olarsa digər tərəf evden ya torpagdan pay tələb edə bilərmi? 2 uşaq var 14 ve 7 yaş.qarsi tərəf pay tələb edə bilərmi.evde heleki yaşayış yoxdu

    Salam. Bacınızın sizə bağışladığı torpaq sahəsi nikah dövründə əvəzsiz əldə edildiyi üçün, bir qayda olaraq, sizin ayrıca mülkiyyətinizdir və həyat yoldaşınız həmin torpaqdan pay tələb edə bilməz. Lakin ev nikah dövründə ailənin ümumi vəsaiti və ya həyat yoldaşınızın əməyi hesabına tikilibsə, o, tikiliyə və ya tikintiyə qoyulmuş vəsaitə dair pay və kompensasiya tələb edə bilər. Evin qeydiyyatsız olması bu tələbi avtomatik aradan qaldırmır; nəticə tikinti xərcləri, maliyyə mənbəyi və tikilinin hüquqi vəziyyətinə dair sübutlardan asılı olacaq, uşaqların olması isə öz-özlüyündə onlara və ya digər valideynə torpaqdan pay vermir. Vəkil Qulam İsmayılzadə
  • Rza Huseynsoylu 2026-08-07 08:30:40

    Salam 2014 ci ilde naxcivan MR da qeyri-yashayish sahesi tikmishik. 2022 de layihede deyishiklik oldugu ucun yeniden muraciet edib qeydiyyatdan kecmisik. Cixarishda belediyye torpagidi bu torpagi ozellesdirmek olar olarsa hansi senedler toplanmalidir? Cox teshekkur edirik.

    **Cavab:**Salam. Bəli, bələdiyyə mülkiyyətində olan torpaq sahəsində tikilmiş və mülkiyyət hüququ qeydə alınmış qeyri-yaşayış sahəsinin altındakı torpağı mülkiyyətə (özəlləşdirməyə) və ya icarəyə almaq mümkündür. Bunun üçün aidiyyəti Bələdiyyəyə müraciət edərək torpaq sahəsinin satılması barədə qərarın çıxarılmasını tələb etməlisiniz. Müraciət zamanı **ərizə**, **şəxsiyyət vəsaitiniz**, qeyri-yaşayış sahəsinə dair **çıxarış (kupça)** və **texniki pasport**, eləcə də torpağın **kadastr planı və ölçü sənədləri** təqdim edilməlidir. Bələdiyyə tərəfindən müvafiq qərar qəbul edildikdən və torpağın dəyəri ödəniləndən sonra Əmlak Məsələləri Dövlət Xidmətində torpaq sahəsinə mülkiyyət hüququnuzu qeydiyyata aldırıb müvafiq çıxarışı əldə edə bilərsiniz. Vəkil Qulam İsmayılzadə
  • Rahib Həsənov 2026-07-28 16:32:05

    Dövlət Ehtiyacları Fondundan verilən torpağa örüş təyinatlı yox, əkin təyinatlı sənəd almaq olarmı?

    Bəli, torpaq sahəsinin məqsədli təyinatının və kateqoriyasının dəyişdirilməsi mümkündür. Bunun üçün torpaq mülkiyyətçisi və ya icarəçisi aidiyyəti üzrə yerli icra hakimiyyəti orqanına və ya Azərbaycan Respublikasının Əmlak Məsələləri Dövlət Xidmətinə müraciət etməlidir. Müraciət zamanı torpağın əkin üçün yararlı olması, müvafiq aqrotexniki və ekoloji tələblərə cavab verməsi barədə rəylər və əsaslandırma təqdim edilməli, müvafiq dövlət qurumlarının razılığı alındıqdan sonra Nazirlər Kabinetinin və ya səlahiyyətli organın qərarı ilə təyinat "örüş" kateqoriyasından "əkin" kateqoriyasına dəyişdirilə bilər. Vəkil Qulam İsmayılzadə
  • Vagif 2026-07-27 12:33:27

    Rayon yerində eyni ərazidə ümumi 41 sot torpağm var. 1993-cü ildən mənim istifadəmdədir. bələdiyyə vergisi ödənilir. 2004-dən olan qebzler var mende. 6 sot yol terden yaşayış məntəqəsinin torpaqları kateqoriyalı üstündə fərdi yaşayış evi olan xüsusi mülkiiyətə sənədi var. ona bitişik qərb tərəfdən 5 sot zebt var. (kateqoqoriya yaşayış məntəqəsinin torpaqları. uqodiya çoxillik əkmələr) . cənub terefde ise kənd təsərrüfatı təyinatlı pay torpağı var 23 sot. onun da çıxarışı var. pay torpağının aşağısında (ordan sonra arxdir. kanal deyil. ora gediş ancaq menim torpağımdan gedir. başqa yol yoxdur. ise 7 sot zebt kimi kend teserrüfatı təyinatlı torpaq sahəısi var. bu 7 sot və 5 sotu sənədləşdirə bilərəm? icarə yox xüsusi mülkiyyətə keçirdə bilərəm?

    Əvvəllər zəbt olunmuş və ya sənədsiz istifadə edilən torpaq sahələrinin birbaşa xüsusi mülkiyyətə sənədləşdirilməsi qanunvericiliklə birbaşa nəzərdə tutulmur. Belə torpaqlar mülkiyyətə yalnız bələdiyyə mülkiyyətində olduqda bələdiyyə hərracları/müsabiqələri vasitəsilə və ya dövlət torpaqları kateqoriyasındadırsa, müvafiq icra hakimiyyəti orqanının (Əmlak Məsələləri Dövlət Xidməti) qərarı ilə verilə bilər. Uzun müddət istifadə etməyiniz və vergi ödəməyiniz bu torpaqlar üzərində avtomatik mülkiyyət hüququ yaratmır. 5 sot və 7 sotluq sahələrin dəqiq mülkiyyət mənsubiyyətini (bələdiyyə və ya dövlət) dəqiqləşdirmək və ilk növbədə onları icarəyə götürərək leqallaşdırmaq, daha sonra mülkiyyətə keçirmək imkanlarını öyrənmək üçün yerli Bələdiyyəyə və Əmlak Məsələləri Dövlət Xidmətinin yerli şöbəsinə müraciət etməyiniz tövsiyə olunur. Vəkil Qulam İsmayılzadə
  • Altay 2026-07-23 13:57:56

    Qeyd edimki torpaq 10 sotdan çoxdur.

  • Altay Hesenov 2026-07-23 13:54:49

    Salam, mənim atamın heyəti və evi babamın adınadır. Babam 3 il öncə rəhmətə gedib. Nənəm sağdır. Mən evi öz adıma saldırmaq istəyirəm heyətlə birlikdə. Torpaq Naxçıvandadır. Mən nə etməliyəm. Maraqlandıq dedilər 1400 m xərciniz çıxacaq. Yönləndirsəz sevinərəm. Öncədən təşəkkürlər.

    Aşağıdakı mətni köçürərək şərhlərinizə cavab kimi yaza bilərsiniz:Salam. Babanız rəhmətə getdiyi üçün həmin ev və torpaq sahəsi birinci növbəli vərəsələrə (yəni nənənizə və babanızın övladlarına, o cümlədən atanıza) keçir. İlkin olaraq vərəsələr dövlət notariat kontoruna müraciət edərək vərəsəlik hüququ haqqında şəhadətnamə almalı, əmlakı öz adlarına rəsmiləşdirməlidirlər. Bundan sonra həmin vərəsələr (nənəniz, atanız və digər övladlar) öz paylarını bağışlama müqaviləsi ilə sizə keçirə bilərlər; bu halda siz birbaşa öz adınıza çıxarış ala bilərsiniz. Dövlət rüsumları və xidmət haqları qanunla müəyyən edilmiş sabit məbləğlərdir, ona görə də xərcləri dəqiqləşdirmək üçün birbaşa ASAN Xidmət və ya notariusa müraciət etməyiniz məqsədəuyğundur. Vəkil Qulam İsmayılzadə
  • Şahmərdan Əmirov 2026-07-09 11:47:28

    Hörmətli Qulam müəllim, torpaq sahəsi Qubadadır. 1992-ci ildə kənd zəhmətkeş deputatları sovetinin iclasının qərarı ilə verilmiişdir. Dairəvi möhür və şahidlərin imzası var. Torpağın mülkkiyyətə verilməsi barədə şəhadətnamə də mövcuddur. Həmin torpaq sahəsində heç bir tikili yoxdur. Mən Qubadakı Asan Xidmətə şəhadətnaməni təqdim etdim (O zamn kənd sovetinin qərarını tapa bilməmişdim) Asan Xidmət sənədləri Xacmazdakı Daşınmaz Əmlakın Dövlət kadastrı və Reyestri publik hüquai şəxsinə göndərdərmişdir. Həmin təşkilat rəsmi cavab vermədən torpağa cıxarış verməkdən imtina etmişdir. Səbəb onu deyir ki guya torpaq dövlət təyinatlıdır. Məlumat üçün deyim ki həmin torpağın bütün ətrafə kənd evləridir. Nə etməliyəm ? Təşəkkür edirəm

    Aleykum salam. İlk növbədə, imtinanın əsaslılığını yoxlamaq üçün Əmlak Məsələləri Dövlət Xidmətinin Xaçmaz ərazi idarəsindən **yazılı və əsaslandırılmış rəsmi imtina məktubu** tələb edin; 1992-ci ilə ait kənd sovetinin qərarı və mülkiyyət şəhadətnaməsi hüquq müəyyənedici sənəd sayıldığı üçün torpağın həqiqətən hansı kateqoriyaya (təyinata) aid olduğunu dəqiqləşdirmək məqsədilə arxivdən çıxarış və kadastr planı əldə edilməli, torpaq yaşayış məntəqəsi torpağıdırsa (və ya təyinatı kənd təsərrüfatı/yaşayış kateqoriyasına uyğundursa), dövlət qurumunun qanunsuz imtina cavabından inzibati qaydada yuxarı orqana (Dövlət Xidmətinə) və ya **İnzibati Məhkəməyə** müraciət edərək mülkiyyət hüququnun (çıxarışın) rəsmiləşdirilməsi və ya torpağın təyinatının dəqiqləşdirilməsi tələb olunmalıdır. Vəkil Qulam İsmayılzadə

    Şərh yaz

    Axtarış
    Xəbər üzrə açar sözlər
    Ümumi açar sözlər
    Digər məqalələr
    Uğurlu işlər

    Əlaqə məlumatları

    Sosial şəbəkələr

    İş saatları

    • Bazar e. - Cümə: 09:00-dan 18:00-dək
    • Həftəsonları: Qapalı
    Copyright © 2021. Bütün hüquqlar qorunur
    Design & Development By: Rufat Gudratli